Fiscalía kayanmi ayllukunata, paykuna riksichun kay 11 wanchishkakunata Tamaulipas markapi
Cuenca y Quito, miércoles 20 de mayo del 2015.- Kay Fiscalía pushak wasimanta kayanmi mayhankuna chinkashka ayllukunata chakikta, paykuna Estado Unidos karu llaktaman chakilla yalinkapak rishkawpi kalishkami México llaktaman kay pachakunapi 1 enero killamanta 23 agosto killakaman 2010 watapi. Kaypi mañanmi willachun shinallata chinkashkakunapak shutita killkashka pankakunata shukta willaykunatapash kayachun riksinkapak. Kay kayashkataka Fiscalía shinanmi kay Procuraduría General de México ñamashkawpi, paykunami ministin shutita tarinata kay 11 wanchishkakunapa, paykunataka wanchishkami kay Municipio de San Fernando, Tamaulipas, México, el 23 de agosto del 2010 pachapi. Chaymanta Fiscalía pushak wasimanta mañakunmi ayllukunata imashata karkakuna, ima kunata aycha karapi charishkata, ñawikuna imashata karka, aychapi chukrishkata charishkata, shukta willaykunatapash inrikachun riksinkapak. Kaykunapi imashata mañakun kay Procuraduría México llaktamanta mañan shutiyu pankakunata, futukunata hapishkata, shinallata mashna karu llaktaman rishka shutikunatapash. Ashtawanpash ushashpaka kachachun kirukunapak rikuchishkakunata, rikunata hampichishkamunatapash ministirin nishkami. Shinallata hapinkakunami yawarta rikunakapak, tucatapash hapinkami, ayllukunapak akchakunapish kaywanka allí rikushpami karu llaktaman kachanka. Azuay markapika, chayay ushankichimi kay Fiscalía Provincial llankay ukuman, kayta Tarik ushankimi Borrero shinallata Bolívar ñankunapi Cuenca markapi. Chaypika parlay ushankichimi Alberto Machuca, payka Fiscalía Provincial manta apukmi kan, paytami chay willaykunata inrikana kan shinallata pankakunatapash. Chaypak hipa ayllukunataka kachankami Unidad de Peritaje Integral (UAPI) llankay ukuman. Chay ukupika, hampichik ministinkunata hapinka. Shinallata, Cañar markapi kawsakkunaka chayak ushanmi Servicio de Atención Integral (SAI) llankay ukuman kay Fiscalía Cañarpi, kayta tiyakunmi Bolívar shinallata Tres de Noviembre ñankunapi, Azogues markapi. Kay tukuy llaktapika, mayhan runakuna paykunapak yuyaypi ayllukunata kinkashka charishpaka chakilla Estado Unidos llaktaman yalinkapak rikawpika rinami kankichik mayhan kushkakunapi Fiscaliakuna tiyakta. Chay willaykunata, pankakunata shinallata ministikunata charishkata tantachishpa karu llaktaman kachankakuna kay Procuraduría General de México, chaywanka chimpapuranka chay wanchishkakunawan Tamaulipas markapi.